Vilhjálmur og Kjartan axli ábyrgð!

Þeir drógu þennan brotna mann til samstarfs við Sjálfstæðisflokkinn með klækjum og höfðu aðeins eigin persónulegu hagsmuni í húfi ... ekki borgarbúa eða flokksins.  Þessir tveir eiga að axla ábyrgð og segja af sér sem borgarfulltrúar til að hreinsa andrúmsloftið.  Þeir hafa orðið Sjálfstæðisflokknum til ævarandi skammar í borginni og tapað fylgi sem hugsanlega kemur ekki aftur fyrr en þeir sem stóðu fyrir öllu ruglinu á þessu kjörtímabili láta sig hverfa.

Samstarfið á „endastað"

Fegurð er iðnaður í Venezuela :)

Það kemur mér alltaf jafn-lítið á óvart að fulltrúar Venezuela skuli vinna svona keppnir.  Í þessu yndislega landi eru efnilegir fegurðarkandídatar teknir á unga aldri og aldir upp í sérstökum skólum sem undirbúa stráka og stelpur fyrir frama á fegurðarbrautinni, þ.m.t. svona fegurðarsamkeppnir.

Þegar ég bjó hjá fjölskyldu í Venezuela varð einn vinur heimasætunnar kjörinn Herra Venezuela ... einn mesti choco sem ég hef séð á ævinni, og var búinn að vera í svona skóla eins og ein vinkona heimasætunnar, en sú hafði ekki enn tekið þátt í Ungfrú Venezuela, en það var auðvitað lífsmarkmiðið. Fínt að fá niðurstöðu í eitt stykki carreer fyrir 25 ára aldur. Þá getur maður bara byrjað á næsta :)

Stúlka frá Venesúlela kjörin ungfrú alheimur

Ég var á leiknum og þetta íslenska lið er stórskemmtilegt!

Skömm frá því að segja að þetta var í fyrsta sinn sem ég fór á handboltaleik með landsliðinu ... og það í Madrid :)  Íslenska liðið átti gríðarlega skemmtilega spretti fannst mér en voru kannski full kurteisir í vörninni.  Kannski erfitt að vera ágengur þegar dómararnir eru að passa að spænska landsliðið tapi ekki fyrir framan næstu kynslóð handboltans á Madrid-svæðinu (tugum unglinga-handboltaliða var boðið á leikinnn).  Það er svo sem góðra gjalda vert, en þó ég hafi ekki mikið vit á handbolta þá sá ég að margir dómar þarna, sérstaklega varnarbrot Íslendinga, voru auðvitað djók :)

Skítt með tapið, þetta var stórskemmtilegur leikur, og íslenska liðið miklu líflegra.  Óli Stef er algert goð á svæðinu, það var fagnað í höllinni þegar hann skoraði (hann tók því reyndar rólega í þessum leik) og það þurfti öryggisverði til að bjarga honum inn í klefa eftir leikinn eftir áritanir og myndatökur.

Fjölskyldan er algerlega raddlaus í dag eftir átökin ... enda heyrðist mér að við við, Palli og Hörður og fjölskylda værum einu Íslendingarnir í húsinu :)

Vörnin er áhyggjuefni

Þriðjudagsþankar: Að vera eða vera ekki ... Agile

Á verönd í norðanverðri Madrid í gærkvöldi lenti ég í athygliverðri umræðu um verkefnastjórnun í hugbúnaðargerð. Þeir sem þekkja mig vita að ég hef afskaplega sterkar skoðanir og það þarf lítið til að hita mig upp í umræðu um þau mál :) Í framhaldi af því ákvað ég að krota niður í skraf, nokkra punkta sem taka saman skoðanir mínar á þessum málum.

Að "vona" að hugbúnaðargerðin batni
Það sem mér finnst stóri punkturinn í þessum málum þessa dagana, er nokkurs konar "rót í myrkri" að aðferðarfræði sem reddar hugbúnaðargerðinni. Menn kaupa ráðgjöf, námskeið og vottun í Agile (Scrum eða annað) hugmyndafræði fyrir mikla peninga, og ætla með því að bjarga, eða minnsta kosti bæta aðeins, afleita áætlanagerð og ótryggan hugbúnað.

En reddar Agile málunum?
Ég þarf kannski ekki að taka það fram að ég er mikill Agile maður. Ég held að eina leiðin til að framleiða ákveðnar tegundir af hugbúnaði sé að styðjast við þær leiðbeiningar sem settar eru fram í hinum og þessum skjalsettum afbrigðum Agile.

Hins vegar, dettur mér ekki í hug eitt augnablik að Agile fræðsla reddi afleitri hugbúnaðarþróun ... aldrei! Hugbúnaðargerð byggist auðvitað alltaf á kláru fólki og samstilltum hóp. Ef fyrirtæki er ekki svo heppið að hafa þéttan hóp af afburða fólki, er kannski langsótt að bæta hugbúnaðargerðina með öðru en að skipta út fólkinu eða fræða það.

Fræðslan sem tengist Agile innleiðingu er alltaf til góða, en hún breytir ekki því fólki sem vinnur við þróunina nema að litlu leyti. Agile þjálfun er eins og margt annað .... rusl-inn ... rusl-út. Ef forritari eða verkefnastjóri hefur ekki aga til forrita eða stýra hugbúnaðarverkefni fyrir Agile innleiðingu, þá hefur viðkomandi ekki aga til þess að nýta þau tækifæri sem Agile umgjörð leggur til.

Agi
Agi og sjálfstraust eru lykilorð. Ég held að þeir séu vandfundnir leiðtogar (ég forðast viljandi að kalla þá verkefnastjóra) sem hafa sjálfstraust til að leiða verkefni gagnvart kúnnanum og eru líka nógu sterkir tæknilega til að skipuleggja verkefnið og fylgja því eftir með þeim aga sem þarf til. Oft verða bestu forritararnir verkefnastjórar af því þeir eru alla vega alveg pottþéttir á einni hlið málins. Ég leyfi mér að fullyrða að verðmæti þess þegar góðir hugbúnaðarleiðtogar eru til staðar í verkefni, er stórlega vanmetið.

Þeir sem hafa ekki þessa vandfundnu leiðtoga, verða í það minnsta að hafa umgjörð sem styður þróunina í átt til aga. Umgjörð hugbúnaðarþróunarinnar verður að vera skýr og gagnsæ fyrir alla aðila og hjálpa bæði verkefnastjórum og forriturum að skilja stöðu verkefnisins á hverju stigi, og skilja enn betur til hvers er ætlast í næsta skref.

Scrum
Þarna komum við að því af hverju Agile reddar ekki málunum. Þegar menn gefast upp á að koma upp umhverfi sem styður aga í hugbúnaðargerð, þá flýja þeir unnvörpum í faðm Agile. Þeir kaupa námskeið og þjálfun, helst í Scrum. Það er gott að geta sagst vera Agile. Það er gott að geta sagst vera með alvöru hugbúnaðargerð, það er gott að fá smá sjálfstraust, gott að vera vottaður … 

En hvað er Scrum? Scrum er eiginlega frekar almenn stjórnunarkennig sem hefur alla möguleika til að styðja við aga í hugbúnaðargerð. Úr kassanum, er Scrum ekki mikið meira en von um betri tíð, sem er kannski ástæða þess að þetta selst vel til stjórnenda, betur en aðrar kenningar sem eru með innbyggðar “engineering practices”. Scrum er samansafn af almennum fræðum, mjög góðum grundvallarreglum sem erfitt er að vera ósammála, en inniheldur litlar nákvæmar upplýsingar um hvernig á að innleiða hlutina. Af því leiðir að Scrum er fín byrjun til að kynna pælinguna án þess að styggja nokkurn mann.

Það er ekki fyrr en menn læra að nýta pælingarnar og innleiða þann mikla aga sem fylgir alvöru Agile hugbúnaðarþróun, að fer að reyna á. Það er ekki fyrr en menn fara að steypa hugbúnaðargerðina í ákveðið form að breytingastjórnunin fer að verða erfið … og skila árangri.

Nú er bara að safna "rétta" peningnum :)

Sá brot úr viðtalinu við drengina í Kastljósinu, fín tækni en fyndið að þeir skyldu spila sig sem svona "bara hafa gaman af þessu" drengi.  Þeir eru örugglega í fjármögnunarviðræðum til að koma sér fyrir á markaðinum með þessa tækni því það er sjaldan besta tæknin sem vinnur svona baráttu, heldur þeir sem ná að plögga best.  Það eru margir á hælunum á þeim sem hirða upp molana og troðast með góðu eða illu framfyrir þá í samningaröðinni og hirða lead sem þeir ná að róta upp.

Vonandi ná þeir að fjármagna sig rétt (fá inn taktíska fjárfesta) því svona "goody guys" sem lenda í klóm fjárfesta sem spila sig "goody guys" eru sitting ducks fyrir að láta "stela" kvikindinu úr höndunum á sér :)  Annars held ég að þessir gæjar séu ekki svona afslappaðir peningalega þó þeir spili sig þannig ... vona ekki alla vega.  Það væri bara eitt vera en að þeir græddu ekkert á þessu, það er að e-r aðrir græði á þessu á þeirra kostnað :)

Af hverju er ekki e-r opinber stofnun sem sér um að fóstra svona hugmyndir og gera úr þeim business með hjálp manna sem hafa tengsla og þekkingu á svona fjármögnun, og sér til þess að frumkvöðlarnir njóti ávaxtana óskertra ... ? Ekki segja nýsköpunarsjóður eða eitthvað svoleiðis ... tek það sem brandara ef e-r nefnir það :)

Hugbúnaður stöðvar niðurhal á netinu

Ég er svo hissa ...

... yfir því að mbl.is skuli láta undan þrýstingi um að loka bloggi.  Skítt með þó ég sé ekki manninum algerlega sammála, það skiptir ekki máli. 

Ég held að þeir sem setja þrýsting á að loka svona vefsíðum veki fremur athygli á málstað þeirra sem skrifa, en stöðvi e-a ímyndaða útbreiðslu.  Ég get ekki séð hvernig þetta verður samfélagi okkar til bóta eða verði til að auka skilning á Islam. Menn verða að virða þær hefðir sem gilda um þennan hluta málfrelsi á Íslandi.  Menn hafa í gegnum tíðina valtað yfir hverja aðra hérna, í ræðu og rituðu máli, og það að veitast svona að netverja með skoðanir finnst mér alveg fráleitt... algerlega fráleitt.

Ég held að mbl.is hafi grafið sína eigin blogg-gröf með þessari lokun.  Það á að láta reyna á svona málsókn, fyrir bloggsamfélagið í heild og fyrir okkur sem þjóðfélag sem lætur ekki stjórnast af trúartiktúrum, hverjum sem þær kunna að tilheyra. 

Sem betur fer tók ég þá ákvörðun um að nota þetta blogg bara fyrir besservisserskoðanir sem mega alveg missa sín og hafa ekkert sögulegt gildi fyrir mig né aðra.  Með 0-skoðanir í dag á þessa síðu :) .... þá eru víst fáir sem myndu sakna þessa.

Hjálp, ég er Jafnaðarmanna-Ögmundur

"Fullkomið rugl" eru orðin sem Ögmundur hafði um nýja lífeyrissjóðafrumvarpið.  Það er búið að skamma mig svo mikið fyrir að vera full hvassyrtur á þessu moggabloggi að ég fór að spá í hvort ég væri Ögmundur á hægri miðjunni.  Ég er orðinn svo þreyttur á ástandinu að ég tel mig verða að nota óvenjulega sterkt orðalag og feitletruð lýsingarorð til að vekja athygli á skoðunum mínum : )

Ég er (vonandi!) ekki búinn að vera uppi á dekki nógu lengi til að hafa orðið fyrir "Kolbrúnar Halldórsdóttur"-áhrifunum ... þ.e. búinn að gagga svo hátt og svo lengi að það það heyrir það enginn lengur ... nema já liðið í kringum mig, sem finnst ég frábær! :)

Afsögn og afsökunarbeiðni .. engan pólitískan útúrsnúning!

Fyrst af öllu heldur maður niðri sér andanum yfir afdrifum fólksins sem lendir í þessum harmleik og biður þess að afleiðingarnar verði betri en fréttin gefur til kynna ...

... en args ég verð svo fúríus þegar embættismannahálvitaháttur kostar mannlega harmleiki!! Ég fór um Reykjanesbrautina í grenjandi rigningu og myrkri þegar ég í heimsókn heim í janúar og var feginn að sleppa lifandi í bæinn á litlum bíl. Hvenær er nóg komið?? Hvort skiptir meira máli að koma í veg fyrir slys eða standast tilskipanir Evrópusambandsins um útboð á opinberum framkvæmdum. Þetta er svo augljóst dæmi um algeran aumingjaskap og framtaksleysi hjá opinberum aðilum.

Sá sem ber ábyrgð á því að þessar framkvæmdir stoppuðu (það eru !engar! málsbætur að fyrirtækið hafi farið á hausinn!!) á að segja af sér strax! Mér er slétt sama hvort það er maður númer 3, 2 eða Samönguráðherra ... við erum með fólk í vinnu við að sjá um að svona hlutir séu í lagi og ég vil nýtt fólk ef það getur ekki séð um að svona augljósar og langvinnar slysagildrur séu fjarlægðar.

Reiður út í þá sem bera ábyrgð á Reykjanesbraut

Opnar á endalausa vitleysu ... !

Ekki misskilja mig, ég hef fulla samúð með kennaranum, ég kenndi 11 ára bekk í 3 daga í forföllum fyrir vinkonu mína einu sinni og ber ómælda og endalausa virðingu fyrir því fólki sem gefur sig í að ala upp annarra manna ólátabelgi ...

... en ef íslenskir foreldrar eiga það á hættu að fá reikning upp á 10 milljónir heim með barninu úr skólanum, þá erum við í ruglinu.   Ef kennarar slasast í vinnunni, þá er það sveitarfélags eða ríkis að standa bak þeim.  Eigum við að opna dyrnar gagnvart málsóknum yfir einu og öllu sem uppá kemur í skólunum? Hvað með börnin sem meiðast í skólanum?  Ef Gunna lemur Kristján Örn :) ... fer Kristján þá í mál við Gunnu vegna þess að hann þjáist af hausverkjum? Biður um 5 millur?  Eða er það bara starfsfólkið sem er varið gagnvart ofbeldi barna?

Hversu vænlegt er það nú fyrir illa launaða kennara þessa lands að láta á það reyna hvort bekkjastríðnin og andlegt ofbeldi sem krakkar beita ... sé kannski líka 10 milljóna virði? ;)

Þessu verður snúið í Hæstarétti ...annað er ekki hægt. 

Dæmd til að greiða kennara 10 milljónir í bætur

Kort anyone .. ?

Hefði ekki verið upplagt að sína ör-blaðamennsku og birta kort af svæðinu?  Þessi myndskreyting af steypuklumpi fyrir framan veðurstofuna er ódýr redding.

15 sekúndna leit á netinu kom mér á síðu hjá <a href="http://photo.blog.is/blog/photo/entry/462624/">Kjartani P. Sigurðssyni</a> ... svona aðeins til að setja málið í samhengi við Kárahnjúkavirkjun. 

Kvikuhreyfingar staðfestar