Leigubílstjórinn tapaði sér alveg í síðasta markinu

Var í leigubíl í 5 mín fjarlægð fráSantiago Bernabau, með leikinn í útvarpinu, þegar Robinio skoraði síðasta markið, leigubílstjórinn tapaði sér alveg yfir þessu og fór með öll versin sem dásömuðu Real Madrid og sögðu Katalónunum í Barcelóna að fara til fjandans :)  Menn voru orðnir stressaðir hérna í Madrid eftir síðustu 3 umferðir, því mótinu virtist vera lokið fyrir 3 vikum.  Gærkvöldið gerði nú líklega´út um mótið samt.   

Veit samt ekki alveg hvar Athletico fékk orku til að vinna Barca 4-2 því þeir voru gjörsamlega andlausir og vonlausir þegar ég sá þá tapa fyrir Bilbao í síðustu viku á Vincente Calderón.  Kannski var þeim bara kalt í rigninunni... þetta er svolítið samba-lið :)

Eiður lék í hálftíma í tapleik Barcelona

Jæts!! Er Össur að grínast með þessari árás?

http://eyjan.is/goto/ossur/  (fann ekki beinan link í greinina um Gísla Martein og hlut hans í REI)

Hvað gengur manninum eiginlega til?  Burtséð frá hvað GMB hefur gert eða ekki gert af sér í borgarmálunum þá er þetta ein svæsnasta árás sem ég hef séð í bloggheimum.  Þetta þætti svæsið á nafnlausum slúðurvefum, en þegar þetta kemur frá ráðherra í Ríkisstjórnar Íslands. 

Mér hefur alltaf fundist Össur skemmtilegur stjórnmálamaður en þarna finnst mér hann afhjúpa sinn minni mann og fara gjörsamlega yfir strikið.  Þetta bara hlýtur að koma í bakið á stjórnmálaferli Össurar ... eða eins og einhver í hans flokki sagði við annað tilefni: "svona gerir maður bara ekki!"

 

Er ekki Benitez bráðum á lausu?

Um að gera að bíða fram á miðvikudag í næstu viku og sjá hvor ekki losni um nokkra stóla.  Benítez hefur gríðarlega reynslu í róteringum og spurning hvort það yrði ekki leynivopn íslands að taka andstæðinginn á óvæntum og leiftursnöggum róteringum og innáskiptingum, þetta yrði okkar nýja hraðaupphlaup! 

Annars er glettilegt/grátlegt (eftir því hvar maður stendur) að bera saman stöðu XD í Reykjavík og Liverpool þessa dagana.  Poolararnir reyna að láta verkin tala, unnu fínan sigur á Inter í kvöld, eiga seinni leikinn eftir. Óli Frí kynnir 3gja ára plan (sjáið þið fyrir ykkur að Benítez færi að leggja fram 3gja ára plan núna :))  Allir að reyna að gera eitthvað sniðugt en það er löngu búið að klúðra tímabilinu, en herinn er höfuðlaus og á enga framtíð foringjalaus!

Formaður HSÍ: Fleiri fiskar í sjónum

Hvar verður 82 milljarða tekjuafgangur ríkisins um jólin?

Vek athygli á grein á visir.is frá dóttur einstæðrar móður, öryrkja, sem er eins og margir aðrir að bögglast í gegnum það að ná endum saman ... nú sem aldrei fyrr. 

http://www.visir.is/article/20071207/SKODANIR03/112070212

Ég tek mig hér með til og endurbirti bara jólabloggið frá síðasta ári.  Það hefur ekkert breyst og ekkert í farvatninu sem bendir til þess að verið sé að vinna í málunum.   Ég er ekki illa í sveit settur en mér blöskrar hvernig skattpeningunum mínum er jafnað út í þetta þjóðfélag!!  Pétur Blöndal, hvar er endurskoðun almannatryggingakerfisins?

 "Stöðugt áreiti og safnanir síðustu vikna til styrktar bágstöddum hafa vakið mig til umhugsunar um íslenska velferðarkerfið.  Er hugsanlegt að við séum í algeru rugli með þetta?   Mér finnst ótrúlegt að öllum þessum trilljörðum sé eytt í velferðarkerfi og svo þurfa e-r sjálfboðaliðar að standa í að hlaupa yfir hálendið, skríða eftir hafsbotni og vera með almenn fíflalæti til að safna peningum til að langveik börn, fatlaðir og geðveikir eigi séns á að lifa lífinu með smá virðingu?  Á sama tíma væla millistéttahópar yfir því að fá ekki vaxtabætur vegna þeir hafi gert ráð fyrir þeim þegar þeir keyptu einbýlishús í uppsveiflunni??? Eruð þið að grínast??  Ég ekki kominn tími til að e-r refactori kerfið frá grunni þannig að það þjóni sem alvöru öryggisnet fyrir þá hafa ekki tök á að taka þátt í kapphlaupinu!?"

Skemmtilegur samanburður á HTC Touch og IPhone

Ég er rétt að byrja að nota HTC Touch símann sem ég vann á ráðstefnunni í Barcelona ... og við fyrstu sýn kemur hann mér nokkuð á óvart í usability (ég hef alltaf verið með Nokia síma .. og þessi jarðar alla Nokia síma í usability) Það kom mér eiginlega meira á óvart að HTC síminn skyldi lifa af heads-on samanburð við IPhone. Ég held reyndar að 3rd party apps factorinn gerir Windows Mobile að miklu betri valkosti heldur en IPhone. Anyways.. samanburðurinn er hér: http://www.slashphone.com/118/8771.html

Hafa feður stúlkanna heimsóknarrétt í fangelsið?

Ég fæ alveg í magann þegar ég les svona fréttir.  Ef heimildir laga leyfa ekki lengri dóm en 2,5 ár þá á að á að hleypa feðrum þessara stúlkna einum inn í herbergi með brotamanni í 15 mínútur í senn, hvern einasta mánuð sem kvikindið situr inni.  Bara til að ræða aðeins málin ... !  Það myndi örugglega kenna einhverjum að forðast freistingar sem kunna að malla í þeirra "veika" huga! (andsk.... þetta eru ekki veikindi ... þetta er pure evil!)

 Og annað ... þessar sektir eru furðulegar.  Af hverju ekki að gera manninn gjaldþrota fyrir lífstíð?? Hann hefur gert þessar stúlkur tilfinningalega gjaldþrota! Það fyrnist ekkert á 5 árum. 

Args hvað ég varð reiður þegar ég las þetta!

Dæmdur í 2½ árs fangelsi fyrir kynferðisbrot gegn 6 stúlkum

Æj, nei ... ekki stela Birgittu!! :)

Úr frétt á Vísi.is   "... verkfærum stolið ásamt geisladiskum með Svölu Björgvins og Birgittu Haukdal." !! 

Fyndið að ***arnir sem eru að ræna öllu steini léttara þessa dagana skuli vera með svona skemmtilegan tónlistarsmekk.  Það segir líka svolítið um tónliestarsmekk blaðamannsins er að hún hafi haft húmor til að afrita þetta úr skýrslum lögreglunnar.

 

Raforka er að verða aðalmálið í tölvubransanum

Var á developer ráðstefnu í Barcelona í síðustu viku (TechEd) þar sem m.a. kom fram hjá Microsoft mönnum að raforka er að verða stóra málið í heimininum í dag.  Án þess að fara nánar út í dreifðan arkitektúr og raforkunotkun örgjörva :) ... þá var merkilegt að sjá pælingarnar um hvernig "þjónustumiðstöðvar" heimsins gætu á næstu árum orðið netþjónabú (lítil/stór) sem eru staðsett nærri ódýru rafmagni og góðri (vatns) kælingu.   Svona netþjónabú (t.d. frá Sun Microsystems) eru stundum bara gámar sem mannshöndin kemur hvergi nærri eftir að þeim er lokað og tengd eru við háspennustraum og vatnsinntak (fyrir kælingu).   

Ef við fáum almennilega internettengingu við útlönd þá þarf ekkert að byggja e-r risahús undir netþjónabú, bara koma upp aðstöðu og frísvæði fyrir svona gámablokkir þannig að við getum hostað hluta af "þjónustuvæðingu" heimsins.

Er ekki tímaspursmál að ruslpóstur (og prentuð dagblöð?) verði skattlagt út?

Við ættum að vera fyrsta þjóðin til að hverfa frá því að það sé default að blöð séu prentuð.  Þetta er ótrúlega mikið 19.aldar fyrirbæri :)  Aðalmálið er kannski ekki endilega pappírinn sem við sitjum uppi með .. .heldur kostnaðurinn og mengunin við að prenta og dreifa þessu fyrir 2 mín attention? 

Það á bara að gefa öllum íslendingum svona lítið notebook til að skoða fréttir og dreifa þessum kvikindum digital.  Ég er viss um að það eru ekki nema 3-4 ár í að þér finnist þetta ekkert fáránlegt! Mér finnst þetta obvious skref!  ... þó fólk sé kannski ekki almennt tilbúið.

Leitað leiða til að draga úr blaðaúrgangi

Ég fylgdist með í Madrid

Ég var kaddí hjá BL um helgina (sorry ... en maður verður bara að monta sig þegar svona tækifæri gefst (gaman líka að fylgjast með hvort þetta hreyfir ekki örlítið counterinn á síðunni :) )  

Snilld að fá svona innsýn inn í veröld atvinnugolfarans eftir að hafa bara fylgst með þessu í sjónvarpinu.  Ég er með ca 4 í forgjöf en þvílíkt himinn og haf á milli þess venjulega (meistaraflokks)golfs sem maður þekkir heima og þessara snillinga.  Play-of-the-day hæfir taktar hvað eftir annað hjá BL en grimmur leikur að eitt "dularfullt" högg standi á milli hans og topp-20-baráttu.

Birgir: „Hvernig er hægt að slá 200 metra með 5-járni?“