Nú er bara að safna "rétta" peningnum :)

Sá brot úr viðtalinu við drengina í Kastljósinu, fín tækni en fyndið að þeir skyldu spila sig sem svona "bara hafa gaman af þessu" drengi.  Þeir eru örugglega í fjármögnunarviðræðum til að koma sér fyrir á markaðinum með þessa tækni því það er sjaldan besta tæknin sem vinnur svona baráttu, heldur þeir sem ná að plögga best.  Það eru margir á hælunum á þeim sem hirða upp molana og troðast með góðu eða illu framfyrir þá í samningaröðinni og hirða lead sem þeir ná að róta upp.

Vonandi ná þeir að fjármagna sig rétt (fá inn taktíska fjárfesta) því svona "goody guys" sem lenda í klóm fjárfesta sem spila sig "goody guys" eru sitting ducks fyrir að láta "stela" kvikindinu úr höndunum á sér :)  Annars held ég að þessir gæjar séu ekki svona afslappaðir peningalega þó þeir spili sig þannig ... vona ekki alla vega.  Það væri bara eitt vera en að þeir græddu ekkert á þessu, það er að e-r aðrir græði á þessu á þeirra kostnað :)

Af hverju er ekki e-r opinber stofnun sem sér um að fóstra svona hugmyndir og gera úr þeim business með hjálp manna sem hafa tengsla og þekkingu á svona fjármögnun, og sér til þess að frumkvöðlarnir njóti ávaxtana óskertra ... ? Ekki segja nýsköpunarsjóður eða eitthvað svoleiðis ... tek það sem brandara ef e-r nefnir það :)

Hugbúnaður stöðvar niðurhal á netinu

Athugasemdir

[Andri Heiðar Kristinsson, 25.4.2008 kl. 16:14]

Sammála því - mjög mikilvægt að þeir fái rétt fjármagn inn á þessu stigi! ...en af hverju endilega opinber stofnun? Ég er fullkomlega sammála þér að það hefur verið gríðarleg vöntun á batteríi sem fóstrar svona hugmyndir og býr til alvöru bisness úr góðri tækni og hugmyndum. Skoðaðu www.innovit.is - einkarekið frumkvöðlasetur sem er rekið í almannaþágu og var stofnað í fyrra einmitt í þessum tilgangi :)

[Stefán Freyr (IP-tala skráð) 25.4.2008 kl. 17:50]

Þessir drengir hafa fengið góðan stuðning frá Háskólanum í Reykjavík og þetta var einmitt Innovit keppnin sem þeir voru að vinna þannig að þeir hafa eflaust talað líka við það góða fólk sem er þar.

[Ég, 25.4.2008 kl. 21:29]

Andri: Rétt, þetta þarf ekki að vera opinber stofnun.  Vandinn er bara sá að einkarekin "stofnun"þarf alltaf að skila arði og er tregt til að styðja við svona nema gegn hlutafé (er soldið eins og hver annar vinveittur áhættufjárvestir) og það setur oft pressu á svona verkefni þegar kostnaður við markaðssetninguna verður þungur.... því smám saman þynnast stofnendurnir út  (btw, ég þekki ekki Innovit). Ríkisstyrkt "stofnun" mætti horfa til þjóðfélagslegs ávinnings af svona frumkvöðlastarfssemi og langtímasjónarmiða við uppbyggingu í landinu.

Stefán: Ég trúi því alveg að þeir hafi fengið góðan stuðning frá HR, enda fær HR fínt PR stunt út úr þessu :) Held samt að HR myndi varla bakka þunga markaðssókn lengi (peningalega), þó vissulega væri áhugavert ef skólinn nýtti sambönd sín og skaffaði fært fólk í stjórn á svona fyrirtæki.  Þá er ég að tala um alvöru fólk (erlendis) en ekki sjálfskipaða tækni-besservissera (með góða PR-fulltrúa)  sem setið hafa í allt of mörgum stjórnum hérlendis án þess að skila árangri og eru oft bara að reyna að skara eld að eigin köku (eða gott PR) á hugviti annarra en hafa ekki takmarkaða orku fram að færa í alþjóðlegu samhengi :)

[Ég, 25.4.2008 kl. 21:32]

Þessi síðasta setning varð óvart 2K .. en *biturleikinn* skilaði sér samt alveg :)

[sigkja (IP-tala skráð) 27.4.2008 kl. 02:32]

 

Sniðugt forrit, góð æfing í forritun. En þar sem ekki er verið að finna eitthvað sem er falið, þá er verðmætið lítið. Höfundarvarið efni á netinu geta allir nálgast, það er ekkert gert til að fela það. Hvort það taki þá klukkutíma handvirkt að finna hálfa milljón deilenda eða með forritinu hálftíma að finna fimm milljónir gagnast lítið. Deilendur efnisins eru svo margir að rétthöfum kemur ekki til hugar að reyna að stöðva þá alla. Ég athugaði t.d. bíómyndina Jón Oddur og Jón Bjarni, og sá að þar voru yfir 80 deilendur (IP tölur) hérlendis. Hvað eru þá margir að deila vinsælum Bandarískum bíómyndum um allan heim?

[Ég, 27.4.2008 kl. 09:35]

Ég er reyndar salveg sammála (sigkja), ég sé ekki business case-ið fyrir þetta í því að koma í veg fyrir ólöglegt niðurhal.  Það er hugsanlega bara PR-hlutinn af þessu því þetta er flott fyrirsögn fyrir pöpulinn á götunni, það mun ekkert forrit koma í veg fyrir ólöglegt niðurhal, IP netið verður (vonandi) alltaf frjálst.

Mig grunar hins vegar að það sé bara frontur fyrir miklu stærra business case, sem sé verið að vinna í bakgrunninum,  svona mynda-ID getur nýst í alls konar sniðugt dót ef þetta er eins hraðvirkt og þeir vilja vera láta.  Spurning er bara hversu vítt þeir hafa náð að afmarka einkaleyfið fyrir þetta, og hvað af því mun búa til peninga.