Kjánahrollur dagsins í boði ungliða

Ef ég væri í vinnunni skv venju í við Austurvöll Reykjavík (vs Madrid) ... þá myndi ég rölta mér út í Ráðhús og ná mér í "dash" af kjánahrolli út í morgunkaffið :)  

Mér finnst Svandís Svavars frambærilegasti stjórnmálamaðurinn í borginni (og jafnvel þó víðar væri leitað) ... en svona frasabelgja-æfinga-mótmæli hvetur ekki fólk eins og mig til að kjósa hana í næstu borgarstjórnarkosningum ... ég er of hræddur um að e-r af þessum ungliðum sé skráður sem 3. eða 4. varamaður og verði komin í e-a nefnd áður en hrollurinn nær frá hnakka niður í tær.

Mótmælt fyrir utan ráðhúsið

Athugasemdir

[Margeir (IP-tala skráð) 21.8.2008 kl. 10:18]

Mikið innilega er ég sammála þér!

[Rún (IP-tala skráð) 21.8.2008 kl. 10:29]

Hvað finnst þér þá um að skrifstofur B og D hafi beðið fólk að koma til að vera á pöllunum?

Er ekki skömminni skárra að ungliðahreyfingar beiti sér fyrir svona heldur en flokkarnir sjálfir?

[Ég, 21.8.2008 kl. 10:42]

Uh... mér finnst allt í lagi að hver sem er standi á pöllunum og fylgist með fundi, hvort sem það eru ungliðar eða aðrir, svo lengi sem fólk hegðar sér þokkalega.  Mér finnst líka allt í góðu að hver sem er (líka skrifstofur B og D) hvetji fólk til að mæta á pallana.

Af hverju er skárra að ungliðahreyfingarnar beiti sér fyrir svona en flokkarnir?  Eru ungliðahreyfingarnar ekki bara unga fólkið í flokknum?   Mér fyndist miklu eðlilegra að skrifstofur S og VG skipuleggi svona mótmæli og geri þá grein fyrir þeim rökum sem að baki liggja, frekar en þeir skýli sér á bakvið ungliðahreyfingarnar og vísi bara í "þetta unga fólk vill hafa rödd ... " þegar sprelligosarnir eru til í að standa fyrir e-u rakalausu "stunti" til að skemmta sér.

Þetta eru ekki pólitísk mótmæli heldur skemmtiatriði og eru stundum bráðskemmtileg sem slík :)  ... en fjandinn að maður geti tekið þetta fólk alvarlega.

[Ég, 21.8.2008 kl. 10:46]

Ungliðahreyfing er soldið farið að hljóma í mínum eyrum eins og "Skemmtinefnd"... sem er synd fyrir allt það unga, skynsama fólk í flokkunum sem hefur alvöru rödd og vill láta í sér heyrast en er bara ekki Önnu-Pálu týpan sem treður sér allsstaðar þar sem eru myndavélar og bullar og glottir eins og fífl.