Tölfræði Kristjáns í Golfheimum

... er hér

Væntingar Kristjáns voru miklar

Hrunskýrslan er söguleg - en hefur ekkert með mál dagsins að gera

Á morgun kemur hrunskýrslan. Þar verður fært í letur margt það sem við vitum nú þegar. Stjórnmálamenn flutu sofandi að feigðarósi, ráðherrar voru blindaðir af ævintýraljóma útrásarvíkinga, eftirlitsstofnanir voru máttlausar og meira hluti af markaðsdeild útrásarinnar heldur en nokkurn tímann eftirlitsstofnun. Útrásarvíkingarnir frömdu hvert bankaránið á eftir öðru og við erum enn öll  hálfpartinn þrælar þeirra.

Breytir skýrslan einhverju um brýnustu verkefni þjóðarinnar á þessum tímapunkti?

Nei, engu. Nákvæmlega engu.

Skýrslan er sagnfræði og verður skyldulestur fyrir þá sem setjast í ábyrgðarstöður og mikilvæg heimild til að forðast svona pytti í framtíðinnni.  Hún kemur eflaust til að bæta einhverjum ávirðingum við það sem við vitum, en hún breytir ekki fortíðinni.  Hún breytir því ekki hver eru brýnustu verkefni þjóðarinnar í dag.

Búið er að grafa pólitískar skotgrafir og allir frasabelgir landsins munu öskra á athygli næstu daga.  Sjálfsskipaðir besservisserar munu rísa upp í hverju horni og fréttamenn munu eyða dýrmætum tíma í að fjalla um hvern krók og kima og rifja upp atburðarrásina síðustu 3-4 árin. 

Ég ætla fyrir mitt leiti að einbeita mér að vinnu næstu daga og forðast að kveikja á fréttum og umræðuþáttum um skýrsluna.  Ekkert sem sagt verður, mun auka líkurnar á því að mér takist að koma sprotafyrirtækinu mínu úr mold. Ekkert sem sagt verður, mun auka líkurnar á því að  atvinnulausum fækki hér næstu vikunar. Ekkert sem sagt verður, mun lækka vexti flýta fyrir afnámi gjaldeyrishafta eða færa þessa þjóð nærri efnahagslegu sjálfstæði að nýju.

Góða skemmtun við lesturinn kæru landar og farið varlega í upphrópanirnar :)

Nýkominn af fæðingardeildinni ... las þessa fyrirsögn aaaaðeins öðruvísi :)

Kjánaleg þýðing beint upp úr erlendum vefmiðli... en vakti alveg sérstakan hjartslátt hjá mér ... svona nýkominn með fjölskylduna af fæðingardeildinni :)

Fyrsti samdrátturinn í sjö ár

Heilbrigðara kosningafyrirkomulag takk!

Hvernig eigum við að brjóta upp núverandi stöðnun í pólitíkinni á Íslandi? Hvernig getum við fengið betri endurnýjun þingmanna og komið alvöru fólki á þing ... ekki bara flokkshollum ungliðum sem hafa fæstir migið í saltan sjó og helgað sig pólitísku klifri frá því þeir byrjuðu í MH :) 

Ég held að besta leiðin sé að leyfa kjósendum að raða fólki í sæti á kjörseðlinum og velja fulltrúa frá fleiri en einum flokki á seðlinum. Á þann hátt væru stjórnmálamenn háðari því að standa sig gagnvart kjósendum .... það skipti minna máli að sanna sig gagnvart flokksmaskínunni til að lenda í ?öruggu þingsæti?

Með þessari leið gætu menn samt fylgt sér í ?lið? á kjörseðlinum og flokkurinn séð um kynningu á sínu fólki og jafnvel lagt til röðun á lista ... en lokaröðun væri undir kjósendum komið.

Þetta kerfi opnar á nýtt fólk í núverandi flokkaskipulagi ... það eykur líkurnar á öflugri endurnýjun, því nýir flokkar þurfa gríðarlega þolinmæði og fjármagn til að keppa við fjórflokkinn.

Neyðarkall - Geturðu bjargað barni

Fall krónunnar hefur ekki farið fram hjá neinum og hefur ABC barnahjálp hefur ekki farið varhluta af því ástandi. Um 12 þúsund börn eru í skólum og barnaheimilum ABC barnahjálpar í hinum ýmsu löndum og kostar yfir 27 milljónir á mánuði að sjá fyrir þessum stóra barnaskara miðað við gengi krónunnar í dag. Íslenska krónan hefur fallið yfir 40% frá áramótum sem er þriðja mesta fall allra gjaldmiðla í heiminum á þessum tíma. Þegar svo við bætist hækkun matarverðs í heiminum sem er verulegt vandamál í þeim löndum sem ABC starfar er ljóst að endar ná hvergi nærri saman. 

Allir sjóðir ABC eru nú uppurnir og þó hefur ekki verið hægt að senda nauðsynlegt fjármagn til barnanna. Matarreikningar hafa hlaðist upp og þolinmæði birgja er á þrotum.  

Í svona árferði væri eðlilegast að skera niður og senda á brott þau börn sem enn vantar stuðningsaðila, en það er ekki valkostur í hugum okkar. Við viljum berjast fyrir börnunum okkar sem mörg hver hafa komið úr ömurlegum aðstæðum og hafa leitað á náðir starfsins í neyð sinni.  

Hefðir þú tök á að hjálpa einu barni svo að hægt sé að tryggja því örugga dvöl á heimili og/eða skóla ABC barnahjálpar. Það kostar ekki nema 2500 kr./mán. að sjá barni fyrir skólagöngu með skólamáltíðum, bókum og öðru tilheyrandi skólanum. Ef barnið dvelur á barnaheimili ABC eða heimavist með fullri framfærslu er þessi kostnaður 3900 kr./mán.  Vinsamlegast smelltu hér ef þú vilt taka að þér að styðja barn.  Það væri frábært ef þú vildir hjálpa okkur í baráttunni með því að áframsenda þennan póst sem víðast.Hjartans þakkir fyrir hjálpina.ABC barnahjálp

Kjánahrollur dagsins í boði ungliða

Ef ég væri í vinnunni skv venju í við Austurvöll Reykjavík (vs Madrid) ... þá myndi ég rölta mér út í Ráðhús og ná mér í "dash" af kjánahrolli út í morgunkaffið :)  

Mér finnst Svandís Svavars frambærilegasti stjórnmálamaðurinn í borginni (og jafnvel þó víðar væri leitað) ... en svona frasabelgja-æfinga-mótmæli hvetur ekki fólk eins og mig til að kjósa hana í næstu borgarstjórnarkosningum ... ég er of hræddur um að e-r af þessum ungliðum sé skráður sem 3. eða 4. varamaður og verði komin í e-a nefnd áður en hrollurinn nær frá hnakka niður í tær.

Mótmælt fyrir utan ráðhúsið

Dagur grefur sér (skot)gröf

Ég held að Dagur finni hvernig þetta einstaka tækifæri sem gafst á þessu kjörtímabili til að verða aðalgæinn á ballinu hefur runnið honum úr greipum.  Ég hefði viljað hafa Tjarnarkvartettinn úr því sem komið var ... en ég held að Sjálfstæðisflokkurinn hafi (því miður fyrir Dag) snúið sig haganlega úr snörunni sem þeir strengdu um háls sér með samstarfinu við Ólaf.   Ólafs-meirihlutinn dró sig hjálparlaust niður í svaðið ... Dagur þurfti bara að spila á fiðlu meðan borgin brann ....

 .... en nú er allt í einu komið fólk sem tekur af málunum af þokkalegri skynsemi, svo Dagur dettur líklega (vonandi fyrir Sjálfstæðismenn) í venjulegan minnihluta-skotgrafarhernað, sem vekur óendanlega lukku hjá vinstri-frasabelgjum og ungliða-mannvitsbrekkunum sem þessir flokkar hafa yfir að ráða  .. . og hann fær klapp á bakið ... en hjá venjulegu fólki vinnur ekki eitt aukatekið atkvæði. 

 Ég hef grun um að S35% - D35% verði komið í kortin eftir 2-3 mánuði, jafnvel þó aðhaldsaðgerðir verði óvinsælar.

Fundað um borgarmálin í Kaffivagninum

Al menos 45 muertos - Því miður létust fleiri í þessu slysi hér í Madrid

Spánarmiðlarnir slá þessu allir upp sem mikilli tragedíu og mér sýnist dánartölurnar mun hærri en upphaflega reportið. Sjá elpais.es

Sjö létust á Spáni

Pólitískur Jackass sem veitir notalegan kjánahroll

Skemmtilegt að hafa Ólaf í borgarpólitíkinni. Þetta er svona pólitíska útgáfan af Jackass.  Maður veit að hann er að meiða sjálfan sig á hverri einustu uppákomu, og maður fær alveg "Múffulegan" kjánahroll .... grípur fyrir augun ... en kíkir svo í gegnum fingurna af því maður fær smá kikk út úr að horfa á þetta :)

Orginal Jackass-Steve var kominn inn á geðdeild skv síðustu fréttum ... en ég vona innilega að þessi sprelligosi fari betur út úr þessum pólitísku áhættuatriðum.

Ólafur F. til liðs við Frjálslynda flokkinn

Vilhjálmur og Kjartan axli ábyrgð!

Þeir drógu þennan brotna mann til samstarfs við Sjálfstæðisflokkinn með klækjum og höfðu aðeins eigin persónulegu hagsmuni í húfi ... ekki borgarbúa eða flokksins.  Þessir tveir eiga að axla ábyrgð og segja af sér sem borgarfulltrúar til að hreinsa andrúmsloftið.  Þeir hafa orðið Sjálfstæðisflokknum til ævarandi skammar í borginni og tapað fylgi sem hugsanlega kemur ekki aftur fyrr en þeir sem stóðu fyrir öllu ruglinu á þessu kjörtímabili láta sig hverfa.

Samstarfið á „endastað"